აღმოაჩინეთ გურული სუნელის შექმნის ტრადიცია საკუთარი ხელით. მასტერკლასის ფარგლებში ფილთაქვაში თავად დაფქვავთ და შეურევთ ნატურალურ ინგრედიენტებს, გაეცნობით გურული სუნელის ტრადიციულ მომზადებას და მის განსაკუთრებულ საიდუმლოებებს. შემდეგ თქვენი ხელით მომზადებულ სუნელს გამოვიყენებთ კლასიკური კიტრი-პომიდვრის სალათის მოსამზადებლად, რომელსაც ბოლოს ერთად დავაგემოვნებთ.
დამატებითი დეტალები
სტუმრებს ასევე გავუმასპინძლდებით გურული მჭადით, ყველით, ჩვენს ოჯახში დაწურული ღვინითა და „ბადიშის“ ტრადიციული საწებლებით — ნამდვილი გურული სუფრის ატმოსფეროში. ეს მხოლოდ კულინარიული მასტერკლასი არ არის — ეს არის შესაძლებლობა, შეიგრძნოთ გურიის გემო, ტრადიციები და სტუმართმოყვარეობა.